Ferill 505. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 984 — 505. mál.
Svar
umhverfis- og auðlindaráðherra við fyrirspurn frá Höllu Signýju Kristjánsdóttur um opinber störf utan höfuðborgarsvæðisins.
1. Hversu mörg störf eru á vegum ráðuneytisins og stofnana þess utan höfuðborgarsvæðisins? Óskað er eftir sundurliðun eftir stofnunum og landshlutum.
Í töflunni hér á eftir má sjá sundurliðun á störfum utan höfuðborgarsvæðisins flokkað eftir stofnunum og landshlutum. Eftirtaldir ríkisaðilar eru ekki með starfsfólk utan höfuðborgarsvæðisins: umhverfis- og auðlindaráðuneytið, Úrskurðarnefnd umhverfis- og auðlindamála, Úrvinnslusjóður, Skipulagsstofnun og Mannvirkjastofnun.
Fjöldi starfa utan höfuðborgarsvæðisins.
A: Fjöldi starfa í árslok 2017. B: fjöldi tímabundinna starfa á árinu 2017. | |||||||||
Vesturland | Vestfirðir | Norðvesturland | Norðausturland | Austurland | Suðurland | Suðurnes | Samtals | ||
Umhverfisstofnun | A | 2 | 2 | 0 | 11 | 2 | 4 | 0 | 21 |
B | 10 | 5 | 0 | 7 | 2 | 14 | 2 | 40 | |
Veðurstofa Íslands | A | 14 | 20 | 10 | 18 | 11 | 11 | 7 | 91 |
B | 0 | 0 | 0 | 0 | 0 | 0 | 0 | 0 | |
Þingvallaþjóðgarður | A | 0 | 0 | 0 | 0 | 0 | 36 | 0 | 36 |
B | 0 | 0 | 0 | 0 | 0 | 31 | 0 | 31 | |
Vatnajökulsþjóðgarður | A | 0 | 0 | 0 | 3 | 2 | 7 | 0 | 12 |
B | 0 | 0 | 0 | 28 | 15 | 82 | 0 | 125 | |
Náttúrurannsóknastöðin við Mývatn |
A | 0 | 0 | 0 | 2 | 0 | 0 | 0 | 2 |
B | 0 | 0 | 0 | 2 | 0 | 0 | 0 | 2 | |
Skógræktin | A | 8 | 2 | 2 | 11 | 18 | 16 | 0 | 57 |
B | 2 | 0 | 0 | 6 | 9 | 3 | 0 | 20 | |
Náttúrufræðistofnun Íslands |
A | 0 | 0 | 0 | 10 | 1 | 0 | 0 | 11 |
B | 0 | 0 | 0 | 0 | 1 | 0 | 0 | 1 | |
Landgræðsla ríkisins | A | 2 | 0 | 1 | 5 | 2 | 38 | 0 | 48 |
B | 1 | 0 | 0 | 1 | 0 | 5 | 0 | 7 | |
Stofnun Vilhjálms Stefánssonar |
A | 0 | 0 | 0 | 9 | 0 | 0 | 0 | 9 |
B | 0 | 0 | 0 | 5 | 0 | 0 | 0 | 5 | |
Landmælingar Íslands | A | 25 | 0 | 0 | 0 | 0 | 0 | 0 | 25 |
B | 0 | 0 | 0 | 0 | 0 | 0 | 0 | 0 | |
Íslenskar orkurannsóknir | A | 0 | 0 | 0 | 7 | 0 | 0 | 0 | 7 |
B | 0 | 0 | 0 | 0 | 0 | 0 | 0 | 0 | |
Samtals A | 51 | 24 | 13 | 76 | 36 | 112 | 7 | ||
Samtals B | 13 | 5 | 0 | 49 | 27 | 135 | 2 |
2. Telur ráðherra að unnt sé að láta vinna fleiri störf á vegum ráðuneytisins eða stofnana þess utan höfuðborgarsvæðisins?
Af 15 stofnunum umhverfis- og auðlindaráðuneytisins eru 11 með starfsstöðvar utan höfuðborgarsvæðisins, þar af sex með höfuðstöðvar sínar, eins og fram kemur í töflu í svari við 1. tölul. hér að framan. Margar þessara stofnana starfa eingöngu utan höfuðborgarsvæðisins, eðli verkefna þeirra samkvæmt. Það er því ljóst að aukist starfsumfang þeirra muni það kalla á fjölgun starfa utan höfuðborgarsvæðis. Sumar þessara stofnana hafa við auglýsingu starfs boðið upp á þann valmöguleika að því sé sinnt á ákveðnum eða öllum starfsstöðvum sínum. Má þar nefna að Umhverfisstofnun hefur haft þann háttinn á undanfarin ár að auglýsa mörg störf án sérstakrar staðsetningar og vissulega eru tækifæri í því fyrir aðrar stofnanir ráðuneytisins að fylgja því fordæmi.
3. Hyggst ráðherra færa störf út á land á vegum ráðuneytisins eða stofnana þess, sbr. markmið byggðaáætlunar og áform ríkisstjórnarinnar í samstarfssáttmála um að stefna skuli að því að auglýsa störf án staðsetningar?
Ráðherra hyggst skoða málið heildstætt í samstarfi við stofnanir ráðuneytisins og beita sér fyrir því að þær starfi í samræmi við þau markmið sem fram koma í byggðaáætlun og samstarfssáttmála ríkisstjórnarinnar. Við framangreinda skoðun þarf að setja fram ákveðnar forsendur um skilgreiningu starfa sem auglýsa beri án staðsetningar.